PILEH WAKIE

PILEH WAKIE

SUDAH DIBACAKAN DI ACEH TV PADA SABTU MALAM, 29 MARET 2014

Menyeusai salah bloe ungkot, sigoe seupot leuhnyan ka tuwoe

Menyeusai salah takoh ok, peleng that suntok sibuleun sigoe

Menyeusai salah bloe bajee, tajak ukeudee talakee gantoe

Menyeusai salah tapileh WAKI, limong thon lawi rakyat meupaloe

Oleh kareunanyan, sajan-sajan tanyoe meusahoe
Bekna yang meyeusai, dari awai sapoe dudoe
Pileh keuh lei gata, nyang seutia keu rakyatdroe
Dalam masyarakat, teuntee meuhat ka neutusoe

Geutanyoe rakyat, janji meuhat bek tadeungoe

Kaleuh dum tarasa, jinji jiba meukatoe-katoe
Ohban na kurusi, janji-janji ka jipupoe
Keu suai rakyak, bah meularat than jipakoe

Tanging tingkah laku, nyang neutupeu uroe-uroe
Peuna jiseumayang, utak jih trang hana pungoe
Beuna pendidikan, bek salah jalan jimee tanyoe
Bek watee jeut  keudewan, pangkai cuman ujong jaroe

Kadang nyang uroe jeh, salah pileh dum geutanyoe
Jinoe beklei tathem, jipeudhalem dalam lumpoe
Dana Aspirasi, jikeubiri jikoh asoe
Sang-sang atra jih bri, ka jitaki dum rakyat droe

Proyek sabei teulat, troh bak rakyat han seuleusoe
Seubab treb jisahkan, goh jeulah nan nyan atra soe
Oh watee akhee thon, jikarat bon beuna asoe
Bek matee anggaran, tanda tangan dum jipubloe

Haba nyoe lon peugah, hana ilah hai rakan droe
Lon tuan kon caleg, cuma kahek meuchokoloe
Nyoe haba peu ingat, beujeut tamat lei geutanyoe
Watee pileh waki, bagah  meuri soe neuheungkhoe

Gara-gara dua minet, nanggroe singet patah keumudoe
Gara-gara sineuk labang, limong thon seunang tanyoe phengphoe
Gara-gara salah culok, nanggroe krek-krok sabei keudroe
Gara-gara gura-gura, gata-gata cula caloeoeoeoeoeoeoeoeoeeooe

Koeta Radja, 14.03.2014

Cut Lem Mareujan