GAJAH RAB MATA TAN DEUH MEUSINEUK

GAJAH RAP MATA TAN DEUH MEUSINEUK SIDOM LAM ABEUK NYANG DINGIENG NYATA ~~~~~~~~~~~~~~~~~~~~~~~~~~~~~ By: CUT LEM MAREUJAN Wahe rakan lon nyang na lam pehbuk Sira lon duk-duk nibak seulasa Ingat peukateun kameng kap situk Tiep uroe gabuk lam alam maya Mita ayeb gob keunoe geupeuduek Meugadeng cangguek sang hana reuda Keuhai ayeb droe bak sagoe teuduek Hai gop ngon aneuk jih ba beurita Gajah rap mata handeuh meusineuk Sidom lam abeuk nyang dinging nyata Aleh hana but hingga le teuduk Geubuka pehbuk tiep-tiep kutika Oh lon peurati baroe ngon entreuk Teutap jih gabuk peungaruh jiba Haba piteunah unggah han jiseuk Bapak ngon ibuk hana meubeda Jipajoh bangke tamse geusireuk Lam kitab juluk biek nyoe keurija Bangke syedara geutanyoe hamuk Dak jeut ta taleuk but nyoe bek lei na Mumada ohnoe rika lon peuduek Pasoe lam pehbuk haba meuguna Silaturrahmi bek ta peu iseuk Haba meusuruek bek keunoe taba Malam ka jula mata teugantuk Han ek then sijuk lon tamong kama Singoh ta sambong tanglong pineung ruek Laen ta keutuk lam beuntuk sastra Edisi Teungoh Malam: Kuta Radja, 060515