Walau "IJA DAH" leumah Paket C
Meunan sit IP bah keuh sa koma
Hana teujalok dalam lok padée
Sanggôp geupikée keu nusa bangsa
Hana léi model titel ngön IP
Jinöe peureutée yang meukuasa
Profesor Doktor pamor ka u glée
Hana rôh pikée akan negara
Bèk cuba-cuba gata seumambée
Jinging N.I.P can ji PHK
Bah pih neukalon bangon deuh ganjée
Dak pajôh hatée wah urôt dada
Patôt keuh nanggröe kacöe hana prée
Wab ureueng jahée tata keulola
Na ureueng caröng sanggöng ban padée
UU ngön PP takôt meulangga
Keubit that sayang sikeumang bangkée
Tiep-tiep thôn sabée keumang meubura
Leupah that malang sayang bukon lée
Yang déh seumikée jeut keu jeulata
Koetaradja, 04 Juni 2022
Wassalam,
🆑Ⓜ️đź…°️RJđź…°️♑
#CaeCutlem #CLMarjan #PustakaSastraAceh #DiakritikBahasaAceh
Tidak ada komentar:
Posting Komentar