BUPATI ACEH SELATAN SEPANJANG SEJARAH

🌹🍎Versi Update:🍎🌹

💥BUPATI ACEH SELATAN SEPANJANG SEJARAH *)💥

TUAN LAM TAPA TAPAK THAT LUAH

DI DALAM KISAH MEULHOË NGÖN NAGA

GEUWEUH KEU PUTROË SI TAJOË REUPAH

MEUHAMBÔ DARAH GULERAN NAGA

WAHÉI SYEDARA UMMI NGÖN AYAH

BACUT LÔN SURAH MEU'AH BEURAYA

PHÔN LAHÉ DATI DUA LÔN PEUGAH

SOË NYANG MAT TITAH DI NANGGROË PALA

DUA PLÔH LAPAN BULEUN DUA BLAH

MEUNAN SEUJARAH NYANG ULÔN BACA

WATEÉ PAK SARI SUBKI MEUTITAH

MILAD DAERAH GEUPEUGET SK

THÔN PEUT PLÔH LIMÖNG  LEUH JEUPANG MINAH

INDONESIA KASAH PEU ÉK BEUNDERA

BARÔ PEUT BULEUN NANGGROË TA REUPAH

LEUH MANOË DARAH JEUPANG BEULANDA

SAHEM HASYIMI NYANG PHÔN MAT TITAH            (BUPATI KE-1)

DUA THÔH  LEUPAH GOB NYAN JITUKA                                           

(1946-1948)

NIBAK WATEÈ NYAN WAKI TAN SUAH     

(MEUKEK)✔

OTONOMI DAERAH MANTÖNG LAM DISTA

THÔN PEUT PLÔH LAPAN GÖB NYAN GEUMINAH

KEPALA DAERAH SEURAH TEURIMA

BAPAK M. HUSIN SAMBÔNG AMANAH                      

(BUPATI KE-2)

GÖB NYAN MEUTITAH SITHÔN SAHAJA                                               

(1948-1949)

SITHÔN MEUNGABDI LEUH NYAN KA PINAH

NANGGROE MEUTUAH TUKA KEUPALA

A GHAFUR ACHIR SAMBÔNG MEUTITAH                  (BUPATI KE-3)

SITHÔN GEUMINAH GANTOE LÖM RAJA          (1949-1950)

DUA THÔN KOSÖNG DALAM SEUJARAH

TUGAS DI ARAH ULÉH TINGKAT SA

PAK KAMARUSYID SAMBÔNG PEURINTAH                                     

(BUPATI KE-4)

TEUPAT LÔN PEUGAH THÔN LIMÖNG DUA                                     

(1952-1955)

LHEÈ THÔN MEUJABAT TRÔH MASA PINAH

GEUSAMBÔNG TITAH LAÉN KEUPALA

A WAHAB DAHLAWI TEUNGKU GEUPEUGAH                                     

(BUPATI KE-5)

SITHÔN MEUTITAH LEUH NYAN MEUTUKA                                        

(1955-1956)

TEUKU M. YUNAN GÖBNYAN SITHÔN PAH                                       

(BUPATI KE-6)

LEUH NYAN NYANG MINAH KATRÔH LÖM GISA                              

(1956-1957)

SAHIM HASYMI ULANG MEUTITAH                                                   

(BUPATI KE-7)

BUPATI GAGAH WOË NANGGROË PALA                                        

(1957-1959)

(MEUKEK)✔

DUA THÔN LEUH NYAN GÖB NYAN PIH MINAH

BAK THÔN NAM PLÔH SAH SEURAH TEURIMA

TEUKU CUT MAMAT LIMÖNG THÖN TITAH                                      

(BUPATI KE-8)

GEUMAT AMANAH SIGOË PELITA                                                      

(1960-1965)

PAK KASIM TAGÖK LIMÖNG THÔN SIT PAH                                    

(BUPATI KE-9)

LEUH NYAN GEU SEURAH LAÉN KEUPALA                                         

(1965-1970)

TEUNGKU M. DAOD SAMBÔNG AMANAH                                       

(BUPATI KE-10)

SITHÔN MEUTITAH LEUH NYAN MEUTUKA                                        

(1970-1971)

SUKARDI ISHAK GANTOË MAT ARAH                                                

(BUPATI KE-11)

TRÉP THAT SILEUPAH GEUMEUKUASA                                            

(1971-1983)

(MEUKEK)✔

LEUH NYAN GEUGANTOË LÉI PAK RIDWANSYAH                              

(BUPATI KE-12)

DUA THÔN LEUPAH LEUH NYAN TRÔH MASA                                  

(1983-1985)

ZAINAL ABIDIN YAH CHÉK MEUTUAH                                                

(BUPATI KE-13)

GEUSAMBÔNG TITAH LHEÈ THÔN SAHAJA                                      

(1985-1988)

THÔN LAPAN LIMÖNG GÖB NYAN PHÔN TUGAH

LAPAN-LAPAN SAH GEUWOË U BANDA

SAYED MUDHAHAR GANTOË MAT TITAH                                         

(BUPATI KE-14)

GÖBNYAN PHÔN JEULAH LIMÖNG THÔN MASA                             

(1988-1993)

PAK SARI SUBKI NYANG PHÔN LÔN KISAH                                       

(BUPATI KE-15)

LANJUT AMANAH LIMÖNG THÔN LAMA                                         

(1993-1998)

BAK MASA GÖB NYAN UNGKI SEUJARAH

GLAH KHILAFIYAH MILAD “NANG PALA”

SIKUREUNG LIMÖNG THÔN LAM SEUJARAH

SK GEUSURAH LEUMBÔI NOL DUA

H.T. MUKHSALMINA SIPLÔH THÔN TITAH                                        

(BUPATI KE-16)

LEUHNYAN TRÔH KISAH MULAI PILKADA                                        

(1998-2008)

PAK  HUSEN YUSUF PEUPHÔN SEUJARAH                                          

(BUPATI KE-17)

WAKI PHÔN KISAH SIT BAPAK DASKA                                              

(2008-2013)

GÖB NYAN JI USÔNG PARLOK DAERAH

BEUNDERA MIRAH PEUREUTEÉ P.A

KATRÔH BAK MASA LIMÖNG THÔN TITAH

PESTA DAERAH TAHAP KEUDUA

NAM BÖH PASANGAN CALON THAT GAGAH

TEUKEUDI ALLAH KA MEUNANG SAKA

PAK TS INDRA RAYA THAT TUAH                                                       

(BUPATI KE-18)

BAPAK KAMARSYAH WAKI KEUPALA                                              

(2013-2018)           

SIGOË PUTARAN HASEÉ PIH KASAH                                                 

(MEUKEK)✔

RAKYAT KA IKHLAH HANA LÉI DAWA

GÖB NYAN JILANTIK SINGKAT LÔN PEUGAH

PEUT SIKUREUENG PAH YÔH NYAN USIA

PILÉHAN RAKYAT GEUMAT AMANAH

KADÔ HADIAH RAKYAT JEULATA

ACEH SEULATAN GEU PUWOË MARWAH

INGAT SEUJARAH MILAD PERDANA

GEUCÖK MOMEN NYOË KEU TARÉK NAFAH

GEUMEUHÔI TUWAH KEUREUJA SAMA

PEMDA DPR BEUSAHOË ARAH

MAJU DAERAH RAKYAT SIJAHTRA

BEDA PEUREUTEÉ TAN LÉI MASALAH

PUWOË ARUWAH SI NANGGROE PALA

KRUE……. SEUMANGAT, WOË… WOË… WOË………

SA, DUA, LHEÈ, PEUT, LIMÖNG, NAM, TUUU……..JÔH !!!

*) Mohon ma'af bila ada kesalah dalam menyebutkan nama.….  🙏🙏🙏

Seperti:

PAH DUA BLAH THÖN GÖB NYAN PEURINTAH

LEUH NYAN JIPINAH KEUDÉH U BANDA✔

JADI...  2018-2023 HOË TANYOË? ✋✋✋✋✋

😆😇😆

Dibuat Pertama Kali:

Di : BANDA ACEH

Tgl: 10 DESEMBER 2013

Mungkin ini bisa dipakai sebagai pedoman dalam mengingat sejarah kepemimpinan di Kabupaten Aceh Selatan. 

Silahkan kasih masukan/koreksi/kritikan dimana yang dirasa tidak sepantasnya…..

Data: ~> Dari Berbagai Sumber. 

Oleh: