Meureu oh leuh bak ate neuh neuci pandang
Sang ban leuh plueng ateuh ateung di teungoh blang Katrep hana olah raga olah umpang Sabtu baroe lon ci ujoe kekuatan
Jipakat lhoh puteh leusoh dang latihan
Kameuwet-wet ban keuneusep bak putroe phang
Seutodio dak dumna le hana ruang
Leupah ramee hana meunee jak reukaman
Tiba-tiba tan lon sangka jibrithee tan
Ka jipeutoe bak ulon nyoe yu meukalam
Group baroena NADARIA lon rasi nan
Tapi syara kon keutua dilon sinan
Kakeuh lon prĂČh broh-brĂČh putĂČh bak Dek Marwan
Tan na laen kakeuh Cut Lem keu sasaran
Jiwa seuni dak tan ahli rooh tapaban
Tabri arah bek meuramah salah jalan
Dilontuan aneuk agam ikot sinan
Lon peuturĂČt bek salah grop weng haluan
Peulalee droe nyang bek paloe deungon tuhan
Bek meulanggeh ateuh gareh bek tabangkang
Buet aneuk mit peuget nasyid sajan sajan
Alat musik han wah tijik na lam badan
Acapella jikeun cara lei awak nyan
Hana alat babah meuhat jicok keudram
Bak seupot nyoe lon nging keudroe ka jitayang
Singoh seupĂČt na meuturĂČt lom ji ulang
Halo-halo bak Marwan Show tamong peusan
Jikeun neunging nyang tashooting hai Pak Marjan
Ukuran lon ureueng gampong kajeut dumnan
Panee sama tanyoe teuma ngon biduan
Dokumentasi dalam Cidi ulon simpan
Saboh watee keu ileumee cok bandengan
Marjan Show eh salah... Marwan Show bek karu-karu.... ha ha ha
Di penghujung Januari 2016 yang lalu, telah diadakan sayembara menulis syair aceh (ca'e) bertempat di halaman facebook Pustaka Sastra Aceh. Sayembara tersebut bertemakan tentang maulidurrasul Muhammad SAW, karena masih dalam suasana merayakan Maulid.
Sebanyak 20 syair pilihan juri (20 besar) saya himpun dan saya sajikan juga di blog ini. Kebetulan saja saat ini saya sendiri CL Marjan merupakan pengurus di halaman Pustaka Sastra Atjeh tersebut. Besar harapan agar generasi mendatang tetap masih mencintai budayanya sendiri dan kepada penulis ca'e kita berikan apresiasi yang setinggi-tingginya. Semoga ke depan dapat mempersembahkan karya-karya mereka untuk generasi kini dan yang akan datang. Lihat:--- Website CL Marjan ---
Inilah 20 syair pilihan dewan juri tersebut dari peringkat ke-1 sampai dengan 19, sementara yang ke-20 adalah merupakan contoh dalam sayembara itu.
JUARA I
(Peringkat 1)
Judul : LAHE PANGHULEE Oleh : ILHAM SUNJAYY Dalam rangka: SAYEMBARA TULEH CA'E. __________________________________
Taplah bak tingKEUM, keu paPEUN rumoh. Tabeoh rang teungOH, timang bek singeit. Salam'alaiKUM, salEUM cukop jroh. Bak phoen peubeudOH,sya'e lon raheit.
Horeumat mandum,ureung lon satoh. Putiek deungon groh,supee ngon kineit. Rame ka useung, lam mideun punoh. Leo that yang tu'oh, kaca ramineit.
Allah neu tuduem, seukeum pade soh. Neupeujeut bak yoh, bumoe ngon langeit. Uroe yang su'um, tuleung sang tijoh Nyan miseu contoh, haba lon liweit.
Ujeun meuguduem,tam tum su kreh kroh. Reubah bak jaloh, ateuh bak kunyeit. Hate beuleuheun,jangeun bek reuloh. Jaroe bek keuboh, gaki ngon tumeit.
Eungka yang meuleung,ruweung ka runyoh. Mandum kabeh soh,kuweh dalam bleit. Baro lon sunyueng,keunuweung lon ploh. Haba bek neukoh, meu unyet-unyeit. Dilee yoh jameun, ureung kop meu roh
Neuk inong dipoh, meuhambo manyeit. Han payah takheun,padum ta eungkoh. Aneuk droe yang toh, takue jitem kreit.
Teugok ie hareum,taluem tip beungoh. Lakoe peurumoh, han'ek le mumeit. Kafe seuh bajeung, ureung sep jumoh. Yang mangat tapoh,ngon kayee kunyeit.
Macam peukateun,meu peung meulanoh. Dak miseu bakoh, dikap le ringeit. Mubek neuhireun, limpeun uleu coh. Takot teugantoh, meutigon gameit.
Kheundak yang agueng,wate jeum suboh. Cahaya deuh jroh,seumulhoh langeit. Lahe u mideun,ban buleun timoh. Hana soe ek koh,cukop meu geudheit.
Mubei meukeuteung,haruem meukuboh. Hana pat contoh,deungon minyeuk preit Munan hai adeun, sidum nan keuh jroh. Tuto lon roh-roh, kon cilet-cileit.
Lam ka'kbah tam tum,meulinteung roboh. Patong dum reuloh, dalam sigo seit. Masa nyan hireun, pinyueng meu yoh-yoh. Tameh padum boh, su ban teurompeit. Rasa teugageung, meusareung leumoh. Lagee teugantoh, meu cu'et ngon kareit. Sara geu tapueng, ba plueng sep teugoh. Keulileng deh doh, tujoh goe atreit.
Kon jut neu maklum, hai imum batoh. Han payah uroh, ulon meu pep-peip. Ban sibuju rueng, sadum neutu'oh. Panghulee saboh, bintang meu blet-bleit.
Seulaweut saleum,lam seung beu kokoh. Bek lah neu dahoh,gaki neu wet-weit. Beu tapeureumuen,meu krum tarawoh. Hate beu saboh, leukit ban magneit.
Mulia ureung, han geukheun jeumoh. Celeng geutem proh, keu asoe dumpeit Geutem keureubeun, bak buleun yg jroh. Hana yo gadoh, eumpang keuripeit.
Mu'iddah neutueng,ban naleung teukoh. Hate bek syeh syo'h,sabe beu lengkeit. Adak teung bayeung,beukum eungkot noh. Aleh pue lom roh,ka hi mubei kheip. ~~~~~~ Cukop leo udeung, neuheun blang poroh. Sya'e meutafoh, wap leukiet kaseit. Tuto lon sareung, cabeung tan meu'oh. Akai goh punoh, hai teungku juneit.
Meunasoe teugah,bah bek neupakoe Bak buet geutanyoe,keupue gob jak tham Daleh pih ingat,meuhat nibak droe Nyan nabi seupoe, ? Yg jaweub iman
Yoeh goeh lom gadoeh,tasatoeh bek yoe Meukoen geutanyoe,digop chit ka han Harap labajai,pangkai bek tuwoe Syufaat sampoe, tarasa teuman
Suloeh yang awai,meugeupai uroe Suloeh keududoe gadoeh seupoet klam Oeh noe keuh riwai,tukai lam rampoe Katroeh hat rampoe lanja meulansam
Meupat na salah,meu ah keuloen nyoe Bak aduen adoe,uloen harap kan Kakeuh meumada,rika seuleusoe Keuneubuen taloe,loen kheun wassalam
PERINGKAT – 4
Judul : AL - FIIL Oleh : PUTRA SINYAK BAROE SA Dalam Rangka Sayembara Tuleh Ca'e
-----
Salam a'laikum,aduen ngon ayah Ummi meutuah,rata meukawot Lon jamak bandum,harum meuruah Troh minyak mirah,han meu peu lupot ~~~~ Pujoe nyang keu phon,Rabbon Poe ALLAH Tuhan nyang meugah,han meu peulikot Keu MUHAMMADON,sambong meunalah Saleum nyang pantah,meunanlah patot ~~~~ Lheuh nyan meusampoe,keudroe geuh sahbah Nyang susah payah,parang geu beu ot Geutem syahid droe,teu peupoe darah Demi teugak gah,islam teu bawot ~~~~ Wareh u'lama,aulia ceudah Nyang jroeh maruah,sabe bak Makbot Ureung peu aja,nyoe ka bak salah Peutunyok arah,nak bek rhoh lam got ~~~~ E'h nan meunalam,lam mukaddimah Seubagoe leumah,hormat ulon bot Jinoe hai rakan,saban ta seumah Cae ta tamah,bahgian maulod ~~~~ Hajat hai ampon,ulon neuk peugah Saboh keunisah,masa di likot Di thee that agong,nama thon gajah Jan jahiliyah,na prang that ribot ~~~~ Na sidroe raja,perkara gagah Jimat peurintah,akai that kirot Di yaman kuta,negara luah Nan jih abrahah,ureung seu meubot ~~~~ Reuncana keuji,dari abrahah Nanggroe habysyah,kristen di paot Bek na yahudi,nasrani tuah Takue ji pisah,meung han tem ikot ~~~~ Laju gereja,di cipta bagah Bit cukop indah,ngon meuh ji balot Mangat le syara,ji teuka singgah Dan lom beu beutah,hate beu leumbot ~~~~ Teutapi sayang,karang bak lawah Utom ka rubah,on ji teumeung krot Meu sidroe pih tan,insan tem seumbah Bahkan ji ludah,ji toh ek geuntot ~~~~
O'h ban ji di deungoe,ban meunoe ulah Raja ka marah,ureung dum ji dhot Rasa sang pungoe,meuseumoe icah Beungeh meuleupah,greja tan lagot ~~~~ Nibak teuntara,sigra ji titah Bangunan ka'bah,singoh tanyoe tot Meuseubab nyata,syahra dum tarah Keudeh di langkah,nyoe han di sambot ~~~~ Singoh tujuan,rijang di peu sah Keudeh u mekah,rauh di kuncot Lam perjalanan,sinan di rupah Harta di beurkah,ureung di carot ~~~~ Abdul muthalleb,sabet nyan saah Na chit di rampah,unta di garot Tapi hana trep,geu alet ilah Yue pulang leugah,tan rasa takot ~~~~ Teuma di seumong,tanyong abrahah "Pue seubab di kah,nyoe ka peu turot"? " tan ka teuropong,gampong lam susah Gadoeh wilayah,ka'bah ku reubot"? ~~~~ "Meunyoe nyan unta,harta ulon sah Patot ka seurah", meunan geu seu ot "Teutapi beda,ka deungon ka'bah Teuntee le ALLAH,Droe geuh peulimbot !" ~~~~ Alheuh nyan sampoe,ji peutoe ka'bah Jineuk peu rubah,bangunan ji lhot Teutapi dudoe,paloe meu leumpah Han jitem gajah,malah ji surot ~~~~
Hana trep langgeng,kireman ALLAH "Ababil" gagah,batee ji peu rhot Meu ribee ticem,di baleng ngon pah Utak dum bicah,musoh pih kuyot ~~~~ Hanco dum mate,kafe hai sahbah Lam apoh apah,patah bruek tuot "Bukti neuk lahe,srikande ummah YA RASULULLAH,nabi nyang lucot" ~~~~ E'h nan keuh saja,haba risalah Rika seujarah,nyang tanyoe "salot" Meua'h bak kata,cupa meu unggah Akhe seleuah,WASSALAM lon top ==============================
PERINGKAT – 5
Judul : KEUJADIAN WATEE LAHEE NABI Oleh : RIMUENG MEURANTE Dalam Rangka Sayembara Tuleh Ca'e
------------------------------
Assalamu'alaikum salem awalan, pijoe pujian Allah nyang agoeng. Seulaweut saleum keu Muhammadan, Al-sahbah insan saleum nyang lamboeng. - Horeumat meubi bagi keurakan, Guree keunarang saleum nyang santoen. Man 4 wilayah ilah jamakkan, Saleum sipadan keu manduem kawoem. - Mohoen neu idien sidiem berjalan, ujoe keunarang rangkai seuneutron. Moga meuhase akhe tujuan, Muda mudahan bek na nyang siroeng. - Teuntra abrahah reubah masanyan, Ababil datang ba bate tutoeng. Peurhoet uwateuh suroeh le tuhan, musoeh neuyue prang ancoe lam gampoeng. - Apui Majusi dali ka padam, Apui keu Tuhan pateh nyan kawoem. Lahernya Nabi Rabbi sampaikan, sengue hana ban kuta ngoen dusoen. - Tanggai dua blah jeulah teupampang, Rabi'ul bulan tente nibak phoen. Lahernya sidro keumudoe alam, sidroe janjongan seluroh kawoem. - Diteuka beungoeh suboeh ban jelang, tuboeh janjongan mube than haroem. Peungeuh seumulhoeh ban saboeh alam, sampoe nanggroe syam wahe rakan loen. - Dipintoe langet teubuka rijang. Mangat teupandang seugala kawoem. Di malaikat lenkap senangan, Burak nibak sang keunan beu jitroen. - Siti Aiensyah serta Mariam, Perintah Tuhan masa nyan kunjoeng. Peusaneut Nabi neubri pakaian, Peuneutop badan Rasul neu junjoeng. - Ban abu Lahap cakap le rijang, Hate that seunang kumuen na iloen. Gata suwaibah bagah berjalan, Merdeka rijang lepas bak ampoen. -
Sampoe meuninggai ajai bak tuhan, abu lahap nyan seunin pre hukoem. Yoeh masa hudep sulet hana ban, Keu Muhammadan bantah nyang keu phoen. - Allah peu yakien seunin peu rinngan saweub neuseunang lahe badeuron Siduemnan dali neubri le rijang, balah bajikan ka uleh Rabbon. - Al-mukarramah leumah nibak nyan, Lam kejadian hantoem meu keuphoen. Lhe rutoeh nam ploeh patoeng di dalam, Reubah meuhantam hancoe sineuoen. - Abdul mutalleb sabet masa nyan, Sinan di dalam ka tahe ganteong. Tamah teukeujoet tueot sang goyang, putra jadian meunoe jeut lakoem. - Meusjied peut sagoe ujoe ucapan, keu Muhammadan kata neusanjoeng. Meusuoet samboet leumboet hana ban, Teukeudi Tuhan Allah hurabboen. - Abdul Mutalleb neuwet le rijang, aminah dalam jak saweu kandong, Bak pintoe rumoeh leumoh le badan, leupi fikiran aman lam jantoeng. - Meuban neutamoeng keunoeng pandangan, cucoe neuh agam seunang meusamboeng, Neucoek neu guboe ujoe ba sajan, U mesjied rijang neuputoe langsong, -
Disampeng Kakbah tawaf mulaan, Tujoeh sikarang neuputa ampoen. salam'alaika sigra neu kalam, disampeng makam ibrahiem agoeng. - Meuhat seuleusoe dudoe keunarang, Meuah oe rakan kadang na siroeng. Calitra nabi loen cie bawakan, Ban kejadian keunoe meusuoen. - uloen meurunoe ujoe fikiran, baroe mulaan nibak hai panton, et noe seutior meu undoer badan, akhe wassalam hormat keu kawoem.
PERINGKAT – 6
Judul : PEU RAYOEK UROE LAHE NABI Oleh : MURDANI KANALOM Dalam Rangka Sayembara Tuleh Ca’e --------------------
Dengon bismilah,bak phon lon mula Mangat bek cupa,wate lon tuleh Salam alaikom,kawom saudara Saleum mulia,jaweub hai wareh
Sehat ngon tuboh,mandum anggota Allah yang esa,kalheuh geu kikeh Ka geuthok hate,jak tuleh rika Tuk ikot lomba,keunoe lam bareh
Et nan kheuh kisah nyang jeut ulon bi Cuba teuliti salah ngon beuna Tamohon ampon bak “Maha Suci” Jan laen kali tasambong teuma.
Aneuk beurujuk dicung bak seuri Simirapati jidong cong bara Jak taseulaweut keupada Nabi Syafa’at geubri di padang masya
Lon numpang saleum keu dewan juri Haba lon rawi kadang na cupa Maklum lon tuan nyoe ban lon cici Partisipasi satoeh budaya
PERINGKAT - 13
Judul : Nabi Muhammad Suri Tauladan Oleh : Syekh Li Muda Dalam Rangka Sayembara Tuleh Ca'e
-----
Salam mualaikum saleum loen layang Saleum hormatan syarat mulia Mulia wareh ranup lampuwan Mulia rakan mameh suara * Seulaweut saleum ateuh janjongan Keu muhammadan rasul ambia Alem ulama serta sajan Mandum ureung nyan lampu dunia * Meukrue semangat jumpa ban keumang Haroum keun wayang sang minyeuk ata Riwayat nabi loen tuan karang Mudah mudahan syufa'at beuna * Nibak dua blah lahe janjongan Rabiul awal mekkah mulia Bak wate suboh sunyi hana ban Aminah sajan geukeun ibunda * Ateuh pucak gleu tapula bawang Kaye bak sentang tafok keubara Asiah mariam yang jeut keu bidan Utusan tuhan dari syuruga * Di kuta mekkah harom be be wan Mandum teuceungang geutupu hana meupu teujadi hantom lagei nyan Pu keu ajaiban ka trok u donya * Laju geujaweub nibak watei nyan Janjongan alam lahe u donya Patong lam ka'bah reubah meutimfan Teumpat sembahan kafe berhala * Abdul mutaleb nyang bi jawaban Meunan geupeutrang bak kawom lingka Rakyat tan gundah hana le irang Meupu jawaban lahe saidina * Rakyat di mekkah gembira hanban Teumasuk paman si lahap nama Lamiet suwaibah yang bi khabaran Lansong masa nyan geu peumardeka * Ateuh bak tampu di meuen bangbang Nyoe manok siyam ku'uk lam kuta Laen teukeudi kehendah tuhan Nam thon masa nyan meuninggai bunda * Nabi muhammad po banta sedang Cukop that sayang yatim lam donya Sigohlom lahei donya geupandang Abdullah rakan hadap yang kuasa
* Meunan teukedi allah geurancang Meusidro insan ji teupu hana Tacok hikeumah mandum teuladan Nibak janjongan lahe udonya * Rupa di nabi indah ken wayang Peureuseh sang sang buleun purnama Kulet neu puteh mirah teupandang Siulah rakan ban bungoung jeumpa * Sapai neuh bulat teurawot uram Aneuk jaroe dang mandum teu upa Taku neuh payang geulareh seudang Hana tom sajan beungeh lam dada * Di dalam paya ji meu,en bubrang Ureung jak ublang musem seumula Oeh no meumada ca'e loen karang Deungoen wassalam salam a'laika
PERINGKAT – 14
Judul : CINTA SANG RASUL Oleh : Ir. Hendra Underline Dalam Rangka: Sayembara Tuleh Ca'e ÷÷÷÷÷÷÷÷÷÷÷÷÷÷÷÷÷÷÷÷÷÷÷÷
Mula phoen kalam saleum ulon bri Ayah ngoen ummi mandum seureuta Hana meumandang keu rupa tari Gampoeng ngoen pasi sama lom sapa
Pujoe sidroe poe ALLAHURABBI zat maha tinggi nyang penguasa Nyang peujeut makhluk langet ngoen bumi A'ras kurusi syurga nuraka
Seulaweut saleum lon sanjoeng saji panghule nabi nyang that mulia Pemimpim ummat seuloereoh negri Nyang ba islami keu manusia
Al ngoen sahabat ulama suffi Ulama rawi hadist baginda Hana lon lupa saban lon sakri Saleum ulon bri meuseujahtera
Hormat keu gurei peucinta rawi Putra ngoen putri dum aneuk bangsa Darah nyang muda nyan generasi Nyang papah seni siumu masa
Deungoen bismillah ulon mulayi Mukadimah hi kasep si deupa Ulon neuk tamoeng risalah inti Judul lon peuri cinta baginda
nabi Muhammad rupa berseri Budi pekerti cuedah leumboi sa Hana lhei dua yang beu sabanhi Dari phoen gaki sampoe an muka
Didalam hate tan rasa iri Lam dada nabi tan sifeut dusta Sama neu gaseh tan pileh bagi Wareh ngoen wali neu sama saja
Tan pileh aneuk atawa istri Ummat di nabi mandum neu cinta Sehingga musoeh yang peubuet keuji Hana di nabi yang nyan neu ceula
Walau di fittnah di caci maki Dijoek keu nabi kotoran unta Hana neu beungeh keu nyan yahudi Teutap di nabi doa neu pinta
Doa neu lakei nibak ilahi Kaoem nyan neubi beu meubahgia Hana di teupeu hana dituri YaALLAH neubri hate teubuka
Meubek neu laknat bala neu uji Meubek yaa rabbi kaoem neu murka Neubi peutunyoek bak jalan suci Kaoem nyan neubri teubuka mata
Neu buka qalbu hate nurani Beudeuh di eu hi agama lon ba Beu di ikoet lon dalam prang sabi Yang syahid neubri asoe syiruga
Sidum nan gaseh ngoen sayang nabi Neuci peurati pakiban rupa Meusoe keuh sanggob laen insani Lage nyan dali soe tem keurija
Hantoem utama keu hal pribadi Saban di nabi mandum neu kira Yang peunteng ummat na pangkat tinggi Meuhadap rabbi bek haroe hara
Geu tanyoe ummat wajeb beu meuri Sunnah bak nabi bek na ta langga tanda ta cinta pada habibi Peubut buet suci peu jioeh mungka
Beu ta idola lam sanubari Muhammad nabi ta bangga-bangga Meubek ronaldo seureuta messi Artis lam tivi bek gata damba
Meumada dile ritei lon kaji Kisah keu nabi biok lon buka Hansep sang wate takali kali Ceurita nabi hanbeh ta tera
Meupat na salah haba lon pansi Meuah beu neubri meupat na cupa meupat na bareh meu puta puti Peumeuah akhi meupat na gasa
Akhirul kalam ulon akhiri Ulon peu meuri saleum keu dua Saleum peunutoep tanda beh rawi Abu ngoen ummi,assalaaaaaamu'alaika ---
Wassalam.
PERINGKAT - 15
Judul : Rasulullah sebagai idola Oleh : Asna Acola Dalam Rangka Sayembara Tuleh Ca'e
Assalamualaikum-warahmatullah Saleum ukhuwah-keu rakan sastra Ban peut penjuru-cakop wilayah Sigo lon ruah-ngat keunong rata = Meukru seumangat-rahmat meulimpah Keuhendak ALLAH-AZZAWAJALLA Mantong na umu-tahirup nafah Mantong lam warah-bak tameu haba = Seulaweut saleum-mandum taseurah Keu RASULULLAH-SAIDIL AMBIYA Seureuta sahbat-seu ireng langkah Neu bri YA ALLAH-dalam sejahtra = Buleun dilanget-peungeuh sileumpah Cahya jeureulah-ban sigom donya Cukop meumada-lon mukaddimah Jinoe meuk kisah-sidroe idola = Nabi MUHAMMAD-lahe di mekkah Ayah ABDULLAH-AMINAH poma Rabiul awal-lam jahiliyah Bak suboh beukah-lahe maulana = Nabi yang akhe-pilihan ALLAH Nyang ba amanah-keu manusia Nyang bri syafaat-keu mandum ummah watee tasinggah-blang padang mahsya = Ade ngon jujur-dalam perintah Nyang that fathanah-dan ter pecaya Nyang ba rahmatan-keu mandum Ummah tauladan yang pah-sidroe idola = Nyang hana galak-keu donya meugah Nyang hana congkah-bak mita harta Nyang hana harok-hudep lam mewah Nyang hana salah-bak Geu meusabda = Sinan keuh tacok-contoh yg pantah Bak rasulullah-yang that mulia Seubagai suloh-peuneurang langkah Bek sampe rubah-lam lumpur dosa = Tapi lawet nyo-meu laen arah Ka salah kaprah-pileh idola Artis figuran-bacut na gagah Jak ikot ”titah”-ban jih keurija = Nyang leupah sayang-aneuk miet mirah Sou Rasulullah-jituri hana Peu lom ta tanyong-mandum silsilah Ya masyaALLAH-bit teutoep mata = Meunyo nan artis-han peu tapeugah Foto di hias-meutampai nama Bak hi sang kajeut-keu darah gapah Sidum nan parah-bak meu idola = Kiban ji kaloen-artis peuleumah Meunan jilangkah-ikot meu gaya Dak ureung kafe,laen akidah Hana masalah-penteng idola = Meuho ka droe neuh-umi ng ayah Aneuk meutuah-beu goet neubina Bak pileh contoh-bek salah kaprah Takot meuramah-han ek le gisa = Hana yang laen-panutan yang pah Sit RASULULLAH-yang that sempurna Meumacam aspek-lam bumoe ALLAH Sinan keuh kudrah-meu asai punca = Deungon wassalam-lon khatam kisah Harap peu meuah-meupat yang cupa Seurta koreksi-meupat na salah Maklum that mirah-nibak meu rika
PERINGKAT - 16 Judul : KHANDURI MAULOD NABI Oleh : Lha Kayee Dalam Rangka Sayembara Tuleh Ca'e
-----
Salam'alaikum saleun uloen bri Keupada putri tuha ngon muda Nyang na di banda atawa pasi Mandum loen bagi dusoen ngon kota
Meukru seumangat rahmat ilahi Pujoe keurabbi Azzawajalla Seulaweut saleum mandum keunabi Aneuk bak siti Aminah bunda
Keu Al ngon Sahbat deurajat tinggi Seureuta lagi para 'Ulama Para pujangga pencinta seuni Seumoga geubi sehat sejahtra
Deungon bismillah loen langkah gaki Loen ujoe nyali lam sayembara Meuseubab adat hajat lestari Buken mendali yang uloen hawa
Bah le tatamong bangon lam rawi Hai dewan juri tuloeng neubaca Tema uloen boet mauloet keu Nabi Tapeuringati lahe saidina
Tasie lah keubeu ta meukhanduri Taguen bu guri wahe syedara Meunye tan kaya mita keubiri Bak ureung faki seuala kada
Jeut cit tasambai boh itek lati Tacroeh 'engkoet tri deungon jeunara Asai beu ikhah ta bagi-bagi Ta undang santri yue baca do'a
Yue baca meuhat kitab berzanji Pang ulee nabi seulaweut beuna Gop kheun bideu'ah bek tapadoli Bak buet tradisi tanyoe keurija
Daleh ngon hukoem tan meunyalahi Meubek keuh sangsi hate lam dada Nyang peugah han jeut wahe e akhi Nyan cit yahudi hana agama
Beungeh keu islam ureung nasrani Nyan keuh wahabi musoeh 'ulama Tanyoe ta ikoet imum syafi'i Si kafe keuji pue tajak kira
Jameun kon kana masa yoeh lawi Nek teuh khanduri soe larang hana Pakon keuh jinoe meunoe terjadi Rame yang benci 'oh ta meudo'a
Paloe that ladoem jantoeng that dengki Meujampu benci hate lam jiwa Han jeut geukalen ureung khanduri Laju geucaci ngon geuseurapa
Ala hai dodo doda kudang di Sang rap teurjadi kiamat donya Ta kalen tanda nyata ka dali Le that ka bukti ta eu ngon mata
Ka keuh meumada haba loen rawi Meu'ah beuneubi pat salah kata Seubab ken raja pujangga ahli Nyoe sinyak bayi yang intat sastra
Akhirul kalam loen pulang bagi Peungamat seuni yang that mulia Izin loen gadee lakee permisi
Bah le loen ili keudeh jak gisa
PERINGKATA - 17
Judul : "Kisah Junjungan" Oleh : Salman Dalam Rangka Sayembara Tuleh Ca'e
-----
Nibak awai pon dengon Bismillah Alhamdulillah ataeuh karunia Seulaweut saleum keu Rasulullah Sahabat leupah serta keluarga
Saleum horeumat bacut lon tamah Keu yg peusiblah uruh acara Keu panitia juri nyang cidah Walau han leumah meturi rupa
Saleum meuturi rakan meutuah Ngon hamba Allah aneuk lam desa Neuk berani droe keno meulangkah Tuleh risalah tentang saidina
Wate lon pike han peu lon peugah Peu lom seujarah tentang baginda Tapi lon cuba bacut lon kisah Neuk ujo pegah kadang meumada
Nabi Muhammad aneuk Abdullah Lahe di meukah disinan kuta Dari sidroe mak yang nan Aminah Meninggai ayah masa lam prut ma
Wate junjungan lahe di meukah Pasukan gajah teungoh meukuasa Pasukan dimat raja abrahah Jak serang ka'bah ngat jeut binasa
Maka jih dikeun lahe ton gajah Nyan keuh seujarah ge nyan calitra Tapi oeh dudo kehendak Allah Teuntra abrahah hanco binasa
Mereutoh reutoh patong lam ka'bah Ka habeh beukah bandum berhala Patong dum hanco ka abeh beukah Barang di seumah sabe dipuja
Umu 12 thon geujak suriah Deungon adek yah jak meuniaga Mulai meudangang mina nafakah Hana masalah umu sep muda
Umu dua limong gob nyan meunikah Dengon khadijah inong peutama Bahkeuh pih umue muda sileupah Tuha khadijah lom sidroe janda
Inong junjungan jumeulah siblah Oh leuh khadijah,Saudah teuma Leh nyan meukawen ka deungon Aisyah Baroe Hafshah binti Umar r.a
Hana sep layeu bandum lon peugah Bak laen kisah tepeugah teuma Nyan tat geugaseh le Rasullulah Nyan keuh Khadijah inong peutama
Cit sidroe dara dari nyan siblah Nyan keuh si aisyah nyan laen janda Kon na niet laen ya Rasulullah Peu ek mareuah deurajad janda
Umu 40 thon trimong peurintah Geubri le Allah wahyu peutama Mulai wate nyan di Rasulullah Jino jadeh sah jeut keu Ambiya
Nabi wate nyan pupon meudakwah Peuturi Allah Tuhan nyan Esa Bahpih han seunang di kaom qurah Nabi tat tabah teutap geu saba
Oeh akhe dudo Allah perintah Bak Rasulullah yu minah kuta Jak minah keudeh nanggroe Madinah Nabi geu hijrah deungon seugera
Nabi geu wafeut tangga 12 Thon 11 hijriyah bak wate dhuha Umu Nam Lee thon meuhadap Allah Ya Rasul Allah geutinggai donya
Seulama udep di Rasulullah Budi tat cidah lagak tat rupa Meututoe basa sopan neupeugah Han tom na salah seupanyang masa
Ngon lahe Nabi saboh anugrah Keu hamba Allah di dalam donya Dari binatang kaye lam tamah Meteume berkah dari Saidina
Wahe peumuda Aceh meutuah Ingat seujarah Nabi Ambiya Bek sagai tuwoe ube seujarah Keu Rasulullah beutat ta Cinta
Wassalam akhe peunutop surah Meupat na salah meuah beusigra Nyoe teuntang Nabi salah lon peugah Neutulong peupah jeut bek meudesya
PERINGKAT - 18
Judul : LAHE NABI Oleh : M. Yani AR Dalam Rangka Sayembara Tuleh Ca’e
-----
Asalammualikom,kawon islam Ummi dan abg.dalam yoe acara Ulon bri saluem,mandum rakan Hana lon bedakan,gasin dan kaya
Salum nibak lon,yang fon udalam Kue gure nazam.uloen mue lia Hormat dari lon,rukon isuelam Pujoe kue tuha,suelawu ku saidina
Hana yang laen,haba lon tuwan Lang song udalam,haba lon puta Yoh masa jamuen,gukhun tali ban Dile lon layang,kue bungong haba
Hana lon karnag,dalam ingatan Yoh masa awai,lon dungoe haba Dalam al,qurnan,sinan gure trang Awai fon TUHAn,nur nabi gupuna
Masa yoeh jameun,neukheun lam qur'an Nur muhammadan,awai geupeuna Yoeh phoen geupeutroen,lansong bak adam Akhe hai taulan,abdullah teuma
Aminah kandoeng,janjoengan alam Watee laheran,hate geumbira Dari bak kayee,jithee hai rakan Sampoe binatang,man sigom donya
Patong lam ka'bah,bicah meu khan khan Apui pih pansan,ban ban seulingka Teumpat di kafe,bakhe ngon keujam Di seumah tuhan,patong beurhala
Meubee that haroem.si kuntom tampan Meubee wangian,rasul ambia Keukaseh Allah,ceudah hana ban Sifeut tauladan,nabi mustafa
Beuna ta ingat,nikmat geu siram Keu rasul tuhan,seulaweut taba Tanyoe khanduri,ummi ngon abang Puna mudahan,tabagi rata
Keu aneuk yatim,gasin koen wayang Tabi hai rakan,meubek peu beda Cukop that rayoek,geujok keu insan Pahla geu siram,meulipat ganda
Pahla keu tanyoe,meunoe hai rakan Syuruga lapan,keutanyoe hamba Peunteng beu,ikhlah ayah yang tampan Meubek jeut masam,khanduri taba
Khanduri tatem,laen gubri letuhan Keu ureung yan,allah bri fahla Beu lahe baten,katatem korban Allah jok pang.luebeh bak yanka
Ohnoe dari lon,suson lam karang Haba lon tuwan,oh noe cerita Laen nibak lon,ampon sapue tan Maba lon tuwan,patna yang lupa
Karna di lon,kurung lam lisan Dak misue karang,loe that cupa Hana dari lon,lon harap muenang. Cuma loen tuwan,pue rame saja
Akhirul salam,kalam lon rupang Ulon top rakan,ohnoe mnue mada. Bunoe lon pufon,salum lon layang Bak akhe saban,saluem ulon ba ---
Asalamualaikom,,wr wb,,,
PERINGKAT - 19
Judul : Teladan Tanyoe Nabi Muhammad Oleh : Taslim, S.Pd Dalam Rangka Sayembara Tuleh Ca'e -------------------------------------------------
Salam'alaikum awai kalimat Do'a selamat keu rakan dumna Kaum muslimin serta muslimat Yang ka meusapat dalam acara
Alhamdulillah Allahusshamat Awai kalimat lon pupon haba Ateuh limpahan sehat seulamat Ateuh dum nikmat yg ulon rasa
Seulaweut saleum keu Nabi umat Nabi Muhammad Rasul Ambiya Rasul mulia seluruh jagat Yang bri cupa'at keu asoe donya
Saleum seureuta keluarga sahbat Ureung yang empat cukop setia Yang ikot Nabi segala tempat Timu ngon barat selatan utara
12 rabiul awal dilikot lewat Rab bandum ummat meusuka ria Geusambot lahe pang ule umat Nabi Muhammad Rasul mustafa
Allahumma shalli 'ala muhammad Meunan kalimat beutatem baca Beu tatem ucap setiap saat Pat mantong tempat bek sagai lupa
Nibak buleun nyan rab jeut jeut tempat Na geupeu ingat peugot acara Na yang ceuramah na yang salawat Na cit dum tempat cuma meudo'a
Bek sekedar seremonia umat Tacok manfaat dari acara Beujet teladan setiap saat Nabi muhammad teladan nyata
Teuladan Nabi beujet cupaat Keu tanyoe ummat tuha ngon muda Bandum prilaku tutoe kalimat Contoh Muhammad Rasul Mustafa
Meunyo lam udep nasu seulamat Serta cupaat di yaumil maksya Bue tacintai Nabi Muhammad Ta meushalawat bek sagai lupa
Dalam Alqur-an na geupe ingat Didalam ayat ka jelas nyata Allah meuseulaweut ngon malaikat Keu Nabi Muhammad pang ule donya
Para malaikat geumeu shalawat Didalam kitab neu ujoe baca Peu lom geutanyo seubagoe ummat Rendah derajat manusia biasa
Nyoe han neupateh neucuba lihat Neubuka surat "Al-Ahzab" nama Ayat limong nam neu cuba lafhat leuh nyan hai sahbat neubaca makna
Dalam taudep beuna manfaat Bek jeut muzarat keu rakan lingka Meunyo goh bisa neubri capaat Minimal sahbat bek brie derita
Marikeuh tanyoe tameuseulawat Lakeu capaat Rasul Ambiya Yang tuloeng tanyoe uroe akhirat Yang peuseulamat lam padang maksya
Nabi yang laen hana soe ingat Keu tanyoe umat hana soe kira Yang na geuhiroe bak tanyo umat Nabi Muhammad tanyoe Geu bela
Kasep keuh meuno wahe oe sahbat Mangat han mangat cit oh nyo kada Nyoe keu hadiah cit han lon ingat Jioh tat hasrat nyo nyan lon mita
Lake bak Allah tanyo beusehat Neubri cupaat keu Kamoe dumna Neupreh keuh kamo uro akhirat Agar seulamat bak padang maksya
Meunyo na salah dalam kalimat Neubantu ralat wahe cedara Lon preh masukan wareh ngon sahbat Supaya teupat jeut mangat baca
Ulon akhiri saleum seulamat Akhir kalimat saleum kedua Saleum lon yang pon di ateuh meuhat Saleum keu umat peunutop kata
TIDAK DIBERI PERINGKAT (CONTOH)
Judul : SEULAWEUT NABI MUHAMMAD SAW Oleh : Mohyansen Yansen Dalam Rangka Sayembara Tuleh Ca’e ----------------------------------------------------------------
Sallallahu 'ala muhammad. Sallallahu 'alaihi wasallam. Ya Allah neubi ateuh muhammad. Neutamah rahmat seureuta salam.
