🔴 JANTÔNG-AN TADEUNGÖE 🔴
Pisang abin lôn that harok
Mangat ta thok óh ka masak
Pisang talôn lôn pih cocok
Godok-godok jeut pisang wak
Masa konflik hai dek buntok
Leupah cabok kamöe hai nyak
Beudée tamtum jeut-jeut calok
Ureueng prèk-prok keunong timbak
Salah jaweub bak dialog
Ka meurumpok rasa sipak
Bit jantongan tan teujalok
Sang peurampok tanging corak
Na ngön cara ulok-ulok
Na yang jicok jeut keu cuak
Na sit korban jipeuculok
Na sit yang sok hana utak
Leuh tsunami geubri takok
Leuh meugok-gok phak ngön luyak
Ka meudamèe palèe jik’ok
Jaröe prok-prok dua pihak
Leuh koh beudée tan léi krèk-krok
Sibak rukok tan léi söe prak
Jinöe muprang dalam tiktok
Bidik peucrok ngön TEUMEUNAK
Meunyöe jantông tanyöe gèk-gok
Dalam tik-tok bèk rôh neujak
Meunyöe ulôn hana that dok
Le ka lôn block peureutèe nyan
Koetaradja, 13 Sept 2024
🆑Ⓜ️🅰️RJ🅰️♑️
#caecutlem #clmarjan #pustakasastraaceh #diakritikbahasaaceh
